08-03-2011

Лукашэнка назваў сапраўдную прычыну нерэгістрацыі БХД

У інтэрвію амэрыканскай газэце “Вашынгтон пост” Аляксандр Лукашэнка сказаў, што Беларуская хрысьціянская дэмакратыя ніколі ня будзе зарэгістраваная, паколькі хрысьціянскія дэмакраты удзельнічалі ў так званых “беспарадках” – у акцыі пратэсту ў дзень выбараў.

Але дзяржаўнае агенцтва БелТА, якое надрукавала сёньня вытрымкі з гэтага інтэрвію, падало далёка ня ўсе з таго, што сказаў Лукашэнка журналісту “Вашынгтон пост”.

Сярод таго, што патрапіла пад нож дзяржаўнай цэнзуры, былі і выказваньні Лукашэнкі пра рэгістрацыю “Беларускай Хрысьціянскай Дэмакратыі”. У тэксьце БелТА прысутнічае расповед прэзыдэнта пра тое, што ў Беларусі няма ніякіх праблемаў з рэгістрацыяй палітычных партыяў і грамадзкіх арганізацыяў, але адсутнічае адказ на ўдакладняючае пытаньне пра БХД:

“Калі няўрадавыя арганізацыі не парушаюць законы, дык для іх не праблема зарэгістравацца”, — спрабаваў сьцвердзіць Лукашэнка.

“Гэта няпраўда. Як наконт Беларускай хрысьціянскай дэмакратыі?” — запытаўся журналіст.

“У Беларусі хрысьціянскія дэмакраты, верагодна, ніколі не будуць зарэгістраваныя. Яны ўдзельнічалі ў беспарадках. Яны не хрысьціянскія дэмакраты, яны – бандыты”, — абрэзаў Лукашэнка.

Між тым, “Беларуская Хрысьціянская Дэмакратыя”, заклікаючы людзей да ўдзелу ў акцыях пратэсту, заўсёды казала пра мірную дэманстрацыю, а прадстаўнікі БХД усяляк спрабавалі не дапусьціць масавых беспарадкаў.

Больш за тое, 19 сьнежня 2010 году кандыдат у прэзыдэнты ад БХД і яе сустаршыня Віталь Рымашэўскі актыўна заклікаў грамадзянаў не паддавацца на правакацыі, спрабаваў наладзіць перамовы з прадстаўнікамі міліцыі, асабіста не даваў правакатарам біць шыбы і дзьверы ў Доме ўраду, што зафіксавана шматлікімі відэаматэрыяламі з Плошчы. За спробу спыніць біцьцё шкла дзьвярэй Дома ўраду Рымашэўскі, дарэчы, атрымаў удар па галаве.

Артыкулаў па тэме няма

    * * *

    Калі артыкул вас зацікавіў, падзяліцеся, калі ласка ім з сябрамі:

    Апублікаваць у Twitter Напісаць в Facebook Напісаць ВКонтакте Запісаць у свой LiveJournal
  1. Валекс says:

    я для БелаПАН еще накануне выборов сказал-предрек: БХД после выборов не будет зарегистрирован, и указал на максимум напряжения на тонком уровне между БХД и властью.
    http://chakra.do.am/news/valex_por_belapan/2010-12-18-125
    http://belapan.com/archive/2010/12/18/media_gadanie/

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>


Слухайце Віталя Рымашэўскага

Штотыднёва

Аўдыё>>

Кантакты

ў рэгіёнах

© 2010. Віталь Рымашэўскі. Пры выкарыстанні матэрыялаў сайта – гіперспасылка абавязкова. Кантакты: vital@rymasheuski.org