14-03-2011

Рымашэўскі: я не зьбіраюся эміграваць

Сустаршыня аргкамітэту па стварэньні партыі “Беларуская хрысьціянская дэмакратыя”, экс-кандыдат у прэзыдэнты Віталь Рымашэўскі 14 сакавіка пракамэнтаваў сытуацыю з эміграцыяй зь Беларусі яшчэ аднаго былога кандыдата ў прэзыдэнты Алеся Міхалевіча. “Я цалкам разумею ўчынак Алеся і не асуджаю яго. Безумоўна, за мяжой ён будзе ў значна большай бясьпецы”, – адзначыў сустаршыня БХД.

“Для сябе я не разглядаю варыянту эміграцыі. У Беларусі заўсёды было небясьпечна займацца палітыкай, як да 19 сьнежня, так і пазьней. За маімі плячыма стаіць партыя “Беларуская хрысьціянская дэмакратыя” і, калі эмігрую я ці хтосьці іншы з кіраўніцва БХД, тады трэба будзе па крысе эміграваць усёй партыі, бо яна ня спыніць сваёй дзейнасьці”, – мяркуе Віталь Рымашэўскі.

Палітык таксама пракамэнтаваў той факт, што ў Беларусі засталася сям’я Алеся Міхалевіча. “Я думаю, што ў сёньняшніх умовах ён ня мог паступіць інакш. У сваю чаргу “Беларуская хрысьціянская дэмакратыя” будзе сачыць за лёсам сям’і Алеся, будзе аказваць ёй усялякую магчымую дапамогу і падтрымку”, – паведаміў сустаршыня БХД.

Віталь Рымашэўскі, апроч таго, закрануў выказваньне Алеся Міхалевіча, пра тое, што ён ня спыніць працу “над спыненнем катаваньняў і вызваленьнем усіх, хто незаконна ўтрымліваецца па палітматывах”. “Усё залежыць ад самога Алеся. Да выбараў ён не ішоў супраць улады, пасьля выхаду з турмы таксама крытыкаваў толькі КДБ, не закранаючы Аляксандра Лукашэнкуі дзейсную уладу. Цяпер за мяжой ён будзе ў значна больш свабодных умовах. Я думаю, што цяпер ён зможа больш свабодна выказвацца”, – лічыць сустаршыня БХД.

Крыніца – Прэсавая служба БХД

Артыкулаў па тэме няма

    * * *

    Калі артыкул вас зацікавіў, падзяліцеся, калі ласка ім з сябрамі:

    Апублікаваць у Twitter Напісаць в Facebook Напісаць ВКонтакте Запісаць у свой LiveJournal

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>


Слухайце Віталя Рымашэўскага

Штотыднёва

Аўдыё>>

Кантакты

ў рэгіёнах

© 2010. Віталь Рымашэўскі. Пры выкарыстанні матэрыялаў сайта – гіперспасылка абавязкова. Кантакты: vital@rymasheuski.org