04-04-2011

Віталь Рымашэўскі: суд над намі пачнецца неўзабаве

Экс-кандыдат у прэзыдэнты, сустаршыня аргкамітэту па стварэньні партыі “Беларуская Хрысьціянская Дэмакратыя” Віталь Рымашэўскі 4 красавіка працягнуў знаёмства са сваёй справай у КДБ, вывучыўшы ўжо 14 тамоў. “Наколькі я разумею, суд над намі будзе неўзабаве”, – адзначыў ён.

Паводле словаў палітыка, большая частка вывучаных за 4 красавіка дакумэнтаў тычылася кампаніі “Гавары праўду!”. “Дзякуючы гэтаму я ў лепшы бок зьмяніў сваё стаўленьне да Аляксандра Фядуты, бо, зыходзячы зь яго паказаньняў, ён досыць годна паводзіць сябе ў турме й на допытах”, – паведаміў палітык.

Пракамэнтаваў Віталь Рымашэўскі і зьмякчэньне прысуду другому сустаршыню БХД Паўлу Севярынцу. “Я ведаў, што яму таксама хутка інкрымінуюць новае абвінавачваньне. Сьледчыя мне паведамлялі пра гэта, але я ня ведаў, наколькі гэтаму можна было давяраць”, – распавёў сустаршыня БХД.

“Гэтыя абвінавачваньні даюць ім адзіныя фармальныя падставы для суду над намі, але гэта ня значыць, што працэсы не зьяўляюцца палітычнымі. У 2006 годзе людзі масава выйшлі на праспэкт, а ў 2001-м – нават захапілі Палац прафсаюзаў, але, калі не памыляюся, крымінальныя справы з гэтых прычынаў нават не ўзбуджаліся”, – падкрэсьліў Віталь Рымашэўскі.

Крыніца – Прэсавая служба БХД

Артыкулаў па тэме няма

    * * *

    Калі артыкул вас зацікавіў, падзяліцеся, калі ласка ім з сябрамі:

    Апублікаваць у Twitter Напісаць в Facebook Напісаць ВКонтакте Запісаць у свой LiveJournal

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>


Слухайце Віталя Рымашэўскага

Штотыднёва

Аўдыё>>

Кантакты

ў рэгіёнах

© 2010. Віталь Рымашэўскі. Пры выкарыстанні матэрыялаў сайта – гіперспасылка абавязкова. Кантакты: vital@rymasheuski.org